IBM සමාගම මිනිස් මොලය සිම් පතකට ගන්නට සැරසෙයි

Artificial Intelligence යනු ඉතාම පුළුල් විෂය ක්ෂේත්‍රයක් මෙන්ම , යන්ත්‍රෝපකරණ හා මෘදුකාංග සතුව පවතින සිතීමේ සහ විධාන තේරුම් ගැනීමේ කෞශල්‍යය ලෙස අපේ වචනයෙන් කිව හැකියි. දශක ගණනාවක් තිස්සේ තාක්ෂණය දියුණු වුවත් , මිනිස් මොළයට ආසන්නව හෝ සමාන , සිතීමේ ශක්තිය සහිත යන්ත්‍රයක් හෝ මෘදුකාංගයක් මෙතුවක් කාලයකට බිහි වී නොතිබුණි. නමුත්, අද වන විට පරිගණක ලොවේ පෙරළිකාර සමාගමක් වන IBM , එම අභියෝගය ජයගැනීමේ ගමනේ පළමු පියවර සනිටුහන් කර ඇත.

TrueNorth නමින් හැඳින්වෙන මෙම පරිගණක chip පත ලොව ප්‍රථම "ස්නායු සෛල දරණ" පරිගණක chip පත ලෙස දැනටමත් කිරුළු පැළඳ අවසන්ය. මෙය "ස්නායු සෛල දරණ පරිගණක chip පත " ලෙස හඳුන්වන්නේ එය සැබවින්ම ස්නායු සෛල දරණ නිසා නොව කෘතීම ආකාරයේ නියුරෝන භාවිතයෙන් ,එයට එය විසින්ම , එනම් ස්වයංව විවිධ කාරණා තේරුම්ගැනීමේ හැකියාව ඇති හෙයිනි.මෙහි නිර්මාණකරුවන් පවසන පරිදි මෙම chip පතට නියුරෝන සෛල මිලියනයකට ධාරණය කරගත හැකි ප්‍රමාණයට සමාන ප්‍රමාණයේ ධාරිතාවක් , හා ඒ හා සමාන හැකියාවක් ද පවතී. භෞතිකව ගත් කල මෙය සාමාන්‍ය තැපැල් මුද්දරයක තරමින් යුක්තයි.නූතන "සකසන" නොහොත් processor සතුව ට්‍රාන්සිස්ටර් බිලියන 1.4ක් පැවතුන අතර, ඒවා 140w (වොට් 40ක්) දක්වා පරිභෝජනය කරන ලදී. මෙම නව IBM chip පතෙහි ඇති සුවිශේෂි භාවය නම් එය සතුව ට්‍රාන්සිස්ටර් බිලියන 5.4ක් තිබීමත් හා එසේ වුවත් එය පරිභෝජනය කරන්නේ 70w (වොට් 70ක්) පමණ සුළු ප්‍රමාණයක් වීමයි. එනම් එහි කාර්යක්ෂමතාවයේ ඉහල බවයි.

Image

ගTrueNorth විසින් මානව මොළයේ ඇති පරිදිම ඉතා සුක්ෂම ලෙස එකිනෙකට ලඟින් ඇසිරුනු හා සම්බන්ධ වූ "neurons " භාවිතා කරනු ඇත අතර එයින් කියැවෙන්නේ මීට පෙර කිසිඳු ආකාරයකින් දක්නට නොලැබුණු විශේෂ හැකියාවන් රැසකින් මෙම chip පත සමන්විත වන බවයි. මේ හැරුණු විට මෙය සතුව program කල හැකි සම්පකර්ණ (synapses) 256ක්ද ඇත. එය IBM මඟින් මෙතුවක්කාලයකට chip පතක් සඳහා යොදන ලද වැඩිම ප්‍රමාණයද වේ.

මානව මොළය සතුව නියුරෝන බිලියන 100ක් සහ සම්පකර්ණ ට්‍රිලියන 150ක් දක්වා පැවතුනත් එම තත්වයෙන් වුවද මෙම chip පතට ඉතා පුළුල් පරාසයක පවතින විවිධ ක්‍රියාකාරකම් රැසක් කල හැකිය. තවද ,මෙහි නිර්මාණකරුවන්ගේ අදහස් වලට අනුව මෙම TrueNorth chip පත මුහුදෙහි සිදුවන තෙල් ඉහිරීම් මෙන්ම සුනාමි තත්ත්ව පිලිබඳ දැනුම් දීමට මිනිස් දායකත්වයකින් තොරව භාවිත කල හැකිය.

මෙහි ඇති තවත් සුවිශේෂී ප්‍රයෝජනයක් නම් , රොබෝ තාක්ෂණයේදී වැඩි ගුණාත්මක බවින් යුතු රොබෝවරු නිර්මාණය කිරීමටද මෙය උපයෝගී කරගත හැකි වීමයි. එනම් සාමාන්‍යයෙන් නිර්මාණය කරන ලද රොබෝ කෙනෙකු යම්කිසි කුළුණක් හෝ යම් බාධකයක් වෙත ගමන් කරන විට, එම බාධකයේ නොවැදී ගමන් මාර්ගය වෙනස් කර ගමන් කරවීමට නම් අති විශාල මහන්සියක් දරා අදාළ පරිගණක ආශ්‍රිත ක්‍රමවේද යෙදිය යුතුය. එනම් ඉතා විශේෂ මහන්සියක් දරා රොබෝව program කල යුතුය. මන්ද යත් අදාළ රොබෝට සිතීමේ හැකියාවක් නොමැති හෙයිනි. නමුත් එම රොබෝ ට මෙම chip පත යෙදුවහොත් ඔහු සිය කෘතීම මොළයෙන් කල්පනා කර අදාළ බාධකය මග මග හැර ගමන් කරනු ඇත.

Image

කෙසේ හෝ , වර්තමානය වන විට පරිගණක තාක්ෂණය බොහෝ අංශ වලින් මිනිසාට වඩා උසස් හා දක්ෂ ලෙස කටයුතු කිරීමේ ප්‍රවණතාවයක් දක්නට ඇත. මෙම වසරේ මුල භාගයේ එක්තරා පරිගණක වැඩසටහනක් turing test එකක් සමත් වීමෙන් මේ බව මැනවින් වෙයි. Turing test යනු යම් යන්තරයක් මානව මොළයට සමාන වන සේ හෝ, ඊටත් වඩා හැකියාවන් පෙන්වනවාද නැත්ද යන වග සොයා බැලීම සඳහා කරනු ලබන පරීක්ෂණයකි. මෙම පරීක්ෂණයේදී , අදාල පරිගණක වැඩසටහන අවුරුදු 13ක පිරිමි දරුවකු සේ අභිරූපනය කරමින් කතා කරන ලද අතර, විනාඩි 5ක් වූ සම්පූර්ණ පරීක්ෂණ කාලයෙන් , 40%ක් පුරා එය සත්‍ය මිනිස් පිරිමි දරුවකු සමඟ පැවතුන කතාබහක් ලෙසට නිරීක්ෂකයන් වැරදිව වටහාගෙන තිබුණි.

Terminator වැනි සිනමා පට මඟින් එවන් ආකාරයේ තාක්ෂණයක් පිළිබඳව ඉදිරිපත් වූ අතර ඒවා අපේ ඇඟේ ලොමු දැහැ ගන්වන්නට සමත් වූයේ එම සිනමා කතාවට අනූව අවසානයේ එවන් ආකාරයේ තාක්ෂනයන් නිසා මිනිසාගේ මනුෂ්‍යත්වය පිලිබඳ හැඟීම් සෝදා පාලු වී ගොස් මිනිසා යන්ත්‍ර සමඟ යුද්දයට පෙළඹීමෙනි. තාක්ෂණය කෙතරම් දියුණු වුවද කමක් නැත. මන්ද යත් ලොවක් ඉදිරියට යාමට නම් තව තවත් ලොව දියුණු විය යුතු අතර, එයට තාක්ෂණය අවශ්‍ය වන බැවිනි. දියුණු වන තාක්ෂණය මෙන්ම නරකටද භාවිත තැත් කරන්නන් අප සමාජයේ ඕනෑ තරම් ඇත. තාක්ෂණයේ සුභ සිද්ධිය සම්පූර්ණයෙන් රැඳී ඇත්තේ අප අතම බව අප ඉතා අවධානයෙන් යුතුව වටහා ගත යුත්තේ එහෙයිනි. Terminator වැනි සිනමා පට මඟින් පෙන්වන, යන්ත්‍ර මිනිස් - ගැටුමක් මේ ලොව තුල ඇති කරන්නට අවැසි නම් , අප ඇත්තෙන්ම ලොවක් ඉතිරි කල යුතු නැත.

දැනුම බෙදීම පිනක්, ඉතිං යාලුවන්ටත් බලන්න Share කරන්න

Facebook Twitter Google Digg Reddit LinkedIn Pinterest StumbleUpon